Anglo Saxon Charter S 149 A.D. 796 Ecgfrith, King of Mercia, to Cuthbert, abbot, and the brethren of Malmesbury Abbey; restitution of 35 hides (manentes) at Purton, Wilts., previously seized by Offa, in return for 2000 silver solidi.
Latin.
De Perytun quam Egiferð Rex Meldunensi Cenobio dedit.
In nomine domini . Itaque ut apostolicum testatur oraculum . Nichil intulimus in hunc mundum . nec auferre quid possumus . Iccirco terrenis æterna mercanda sunt . Quapropter Ego Egeferth rex Merciorum anno primo regni nostri a Deo concessi . rogatus a Beorhtrice rege occidentalium Saxonum . et Athelwardo archiepiscopo terram . xxxv . manentium in loco qui vocatur Aet Piertean ab orientali parte silvæ quæ appellatur Braden . reddidi abbati Cuthbeorhto et fratribus monasterii Maldubiensis pro indulgentia piaculorum meorum et pro requie animæ patris mei Offan . quam ille vivens abstulit ab eis . Ea scilicet ratione concedo terram supradictam ut secularibus regum serviciis libera sit ad serviendum necessitatibus fratrum Deo serviencium in prædicto monasterio . ut memoria nostra in illo loco sancto in sanctis orationibus apud eos mane[a]t imperpetuum . Sed etiam Abbas et fratres ejusdem monasterii in comparacione terræ illius dederunt michi duo milia solidorum argenti puri . Et hoc feci cum consilio episcoporum ac principum meorum quorum nomina subter asscripta sunt . Et actum est anno ab incarnacione Christi . dcc . xc . vi . indictione . iiiia . Augentem hanc meam elemosinam Deus conservet et benedicat . Minuentem ac frangentem quod non optamus ; nomen ejus eradicetur de terra viventium et a societate sanctorum privetur ; nisi digne emendaverit .
Ego Egeferh rex Merciorum hanc meam donacionem signo sanctæ crucis confirmavi .
Ego Beorhtrich rex occidentalium Saxonum consensi et subscripsi .
Ego Eadburg regina consensi et subscripsi .
Ego Aethelheard archiepiscopus consensi et subscripsi .
Ego Kynebeorth episcopus subscripsi .
Ego Deneferht episcopus consensi et subscripsi .
Signum manus Haðoredi episcopi .
Signum manus Eadulf e¯ .
Signum manus Brordan præfecti .
Signum manus Athelmundi præfecti .
Signum manus Esne .
Signum manus Ceolmundi .
Signum manus Lulling .
Signum manus Wygferði .
.